for Grenfell them perished the firefighters the volunteers the survivors

CARCAGE*
or let them eat ash

*carcuss

A TOWER charnel hoose o pyne* A TOWER rickle o’ burnt banes Catacomb 24 floor plumb skelet-skeletun o’ brickle charcoal ’n’ ash A TOWER charrt black like squalid shaidae in them daurk hearts that bear no luv nor thocht fir they birselt souls ane glog night acause their skin wasnae white whit’s mair cos they were puir whit’s puir say I? frae whit I see upo’ TV screen thon were rich ayont meisur care’t fir each ither an’ see the noo still do Abandont by a Primeenister or twa dink an’ dowf, frae whase maws nae spill o’ tender wards tae soothe nor placate an’ frae our shrunken state thaim Tower-Dweller neebours sweat sortin' boxes o’ stuff hertful folk frae the cuntry did donate Gutted by grief they gaither compassion-fou Shockt on bloody-awed thon perpetual brush-affs frae council Lords knowin aye oraclin' The End o' Grenfell wad be thus a smoulderin' sarcophagus cataclysmic apocalypse incineratin' the hearts o'us a carcass o' profit-lust disgust fir communeety humaneety oblivionised souls a mirror tae me an’ you their tomb The Crematorium athin whit tottie pearly teeths meltit intil glue SOCIAL MURTHER our childer inveesibilised youthie luve an’ howp gane up in smeuk Faimilies sisters bruvers faithers mithers bairns bairns nae mair hug o' sonsie wairmth Skin on moist skin cheek-by-rosy-cheek chortle an’ grin see they're gone aw gone GONE been disappeart pirlin' cinder an’ ash dust deidly fume choked grey til white coum flichter high on blumeltit glog sky jest dust upo’ dust no relict to cup nor cherish nor remnant nor carket tae kiss no keep-sake nor mindin’ tae treasur foriver jest frightfou’ tourie o’ dust scorched hell’s-yett o’ dust smeukin carcage o' dust they're jest The Puir Cataclysm o’ clan pals an’ kin thon neebours thon surveevors brains disordert wi’ schreechin’ splutterin’ batterin’o’ windae panes crashin’ bodies baby-bairns chucked through windae panes oot smashin’ grund-faw trashin’ jaws flesh cartiliage apocalypse replayed TwinTower Armageddon flight frae flame an savage heat crash “Get We Oot Get We Oot!” crash aw vain cos inhumane ussiless they watch glugs a’ horror readen missives upo’ screens o’ last love Tears an’ fear in words an’ the 72 perish incineratit speerits Gorbled by Gulls on wing & Settlin’ on the hats o’ thaim wha makkit The City crash but dinna gie a tosh eerie seelance jest crackle crinkle pop dust jest dust dust they're jest The Puir some say suck the cuntry dry cockiroaches livin' on benefits not even English don't they deserve their squalid daiths aye I have heard there's no magic money tree ya know the bloated groan and yit the scandal grows twill be exposed heads will roll cos we're aw o' us wiser now NO? NO? NO? O Spite! frae glitterin' thrones I've heard since too seen in print demon-tosh Press nae less “it's the geezer whit stairted the fire that's at fault no the money-bags-avarcious-law-breakin-poor-bashin-accountability-dogin'-guffawin’-sods-that-spent-10million-on-flammable-claddin-maskin-brutality-o-poverty-A-Roman-Candle-forged NAH it's thon poor man wi his fucked up Cristal-vide fridge that crackled an’ set the flame he's tae blame for them scorched corpses point the finger at him some o’ us are sick tae our guts the poor man A man wi' a name A man A human a bein' human like you me dust jest dust dust they're jest The Puir The Towerless roam the streets canna sleep at night frae the terrors they've seen their eyes red shot their tongues swellt wi' endless keen & sprinkle o' gushin’ tears their hearts gouged out an’ meanwhiles across the street cool marble palaces wi' gleamin' stairs an’ gowden taps that gush champagne festooned in fulgent voluptuous vines lie seelent as tombs cos their gaffers are in Paris suppin' croissants frae gilded plates

the image was taken from this page
https://www.regulation.org.uk/ob-grenfell_tower.html